Schirn poswetini asi i umetnika Selma Selman (*1991) jek bari samostalno izlozba. Anglal samo nekobor bersha oj hulinga samowerno hem pherdi silaja ko internacionalno sweto e Umetnikongoro hem upishini oj pes sar jek „naj opasno Romni/dzuwli ko sweto“. Zajedno pe familiaja razdelini i Selman angla i publika anglune statutna simbolia sar soj tane o Mercedes-Benz Autia te shaj te ikali adala hari werdna metalia kola so shaj panda te koristinen pe. Glasno hem uporno tane lakere lafia e umetnikakere koja isila Romani pozadina, kote i holi hem o nagon sikawgola kaj rodingola te irani pe i ramnotezina tari i moc napalal. I Umetnost e Selmanakere sikawena uz razno Mediencar taj Iskustwoja kaj bawini pes e Diskriminaciaja, Silaja, Seksizamoja taj e Patriarhatea. Lakiri butstranengiri buti sodrzini predstawe, skulpture, Slike/crtezia upral o Autongere delia hem purano Zelezo/Metali, crtezia hem video. Ki i SCHIRN prezentirini i Umetnika grafike, tikne skulpture kerde taro wrdeno/skupo metali hem duj predstawe adala tano lakoro „OEuvre“(celokupno buti jeke Umetnikosiri) hem panda duj newe kerde bukja. I instalacia „Flowers of Life“ (2024) taro o Graberia tano jek znako/poseta asi i zawisnost lakere Familiakiri koja bazirini ko kedibe hem bikinibe taro odpadno/purano Zelezo/Metali. O Video „Crossing the Blue Bridge“ bazirini pes ko adawa so setinipes lakiri daj so doziwinga ko piro bijando than ko Bihac keda hine i Bosansko Borba (1992-1995). I Selma lela adawa familiarno iskustwo/doziwlaj sar jek tocka te pozicionirini pes sar feministicko aktivitorsko umetnika koja awdiwe internacionalno pire manushenge iklola ko jawnost. I Selma Selman tani tari Bosna i Herzegowina a ziwini hem kerela buti ko New York, Amsterdam hem Bihac.